![](/upload/resize_cache/iblock/0ac/1180_1180_1/jk56yypljvrqjiolm7omuz2g626da4hf.jpg)
Үнгэрөөшэ амаралтын үдэрнүүдтэ Яруунын аймагта оршодог Эгэтын дасанай найр үнгэрһэн байна. Хэмжээ ябуулга ажаһуугшадай амгалан байдалай болон элүүр энхэ ябахын уншалгаһаа эхилээ.
Найр нээлгын ёһолол үдэрэй 1 сагһаа эхилжэ, удаань заншалта ёһоороо эрын гурбан наадан эмхидхэгдэһэн байна.
Хэмжээ ябуулгада «Аялга» болон «Лёнхобо» гэһэн арадай ансамбльнууд үргэн дэлисэтэй тоглолто дэлгэһэн байна.
Эгэтын дасанай Зандан Жуу бурхан–буддын шажанай нангинаар хадагалагдажа байдаг үнэтэ зүйл. Энэ болбол Шэгэмүүниин наһанай үедэ бүтээгдэһэн ори гансахан хүшөө.
#Бурятия #Еравна #Зандан Жуу #Буряад ТВ