![](/upload/resize_cache/iblock/787/1180_1180_1/dj2js1klkw9ir83mo93ncsnnrvlbtau4.jpg)
![](/upload/resize_cache/iblock/731/1180_1180_1/01wtugo28huzzsjj1wurqou2xusxetqh.jpg)
![](/upload/resize_cache/iblock/ae3/1180_1180_1/p63g0aalpdirtwjomweb8jwiqbiiu468.jpg)
Мүнѳѳдэр хотодомнай наhанайнгаа амаралтада гараhан зондо ехэ баярта ушар болобо. Энэнь юуб гэхэдэ, нүхэдые олохо, амтатай халуун эдеэ эдихэ, сэдьхэлээ баясуулха «Добродомик» гэhэн эдеэнэй газар.
«Добродомик» гэhэн ниигэмэй түб наhатай зониие дэмжэхэ гэhэн зорилготойгоор нээгдэбэ. Тэрэниие Санкт-Петербург хотын олзын хэрэг эрхилэгшэд Александра Синяк Генрих Арутюнян хоёр байгуулаа, харин Улаан-Үдэ хотодо энэ кафе нээхэ гэhэн үүсхэл гаргаhан манай уласhаа гарбалтай Елена Галушко болоно. Наhанайнгаа амаралтада гараhан зон «Добродомик» руу ерэжэ, халуун эдеэ түлбэригүйгѳѳр эдихэ аргатай байна бшуу. Тиишэ ерэһэн зон бэе бэетэеэ танилсана, нүхэсэнэ, хѳѳрэлдэнэ. Мүнѳѳ сагта иимэ дэмжэлгэ наhатайшуулда хэрэгтэй ха юм даа.