Эдиршүүлэй түрүүшын туршалганууд

"Буряад ТВ" субагай эмхидхэһэн  ,,Брусника" гэһэн  телесурбалжалагшадай медиаһургуулида хабаадагша Михаил Наханцаковай бэшэһэн түрүүшын туршалга

Шэнэ дэлгүүр

Мүнөө үедэ хотымнай ажаһуугшад бэедэ туһатай, бодото хоол эдихэеэ оролдодог. Иимэ эдеэн дэлгүүрнүүдтэ хоморшог  байдаг гээшэ. Мүнөөдэр нээгдэһэн «Тамир» гэһэн хүдөө ажахын дэлгүүр энэ асуудал нилээд шиидхэхэ байха. Эндэ гансал уласаймнай аймагуудай үйлэдбэрилэгшэдэй сэбэр эдеэ хоол дэлгэгдээтэй.

Шэрэм үргэлгэ

Улаан-Үдэ хотодо Оросой тамирай габьяата мастер Сергей Леоновой шанда хүртэхын түлөө шэрэм үргэлгөөр Бүхэроссиин мүрысөөн үргэлжэлһөөр.

Шэнэ терминал

Улаан-Үдэ хотодо уласхоорондын «Байгал» гэһэн агаарай онгосонуудай шэнэ терминал нээгдэбэ.  
  

Открытие филиала телеканала «Буряад ТВ» в Агинске: Новый шаг к развитию бурятской культуры в Забайкалье

«Буряад ТВ» Агада

Үбэр-Байгалай хизаарай дэбисхэртэ Буряад ТВ телесубаг ажалаа ябуулжа эхилхэнь. Агын Буряадай тойрогой түб Ага тосхондо субагай таһаг нээгдэбэ. Баяр ёһолол үндэр хэмжээндэ үнгэрөө.

Үзэсхэлэндэ бэлдэлгэ

Ерэхэ жэлдэ «Байкал Агро» гэһэн үүлтэртэ малай үзэсхэлэн эмхидхэгдэхэ тухай түсэб табигданхай, тэрээндэ «Буряад Уласай мэдээсэлэй-методологиин түб» бэлдэжэ эхилээ. Тендерэй дүнгөөр, «Замстрой» гэһэн Хизаарламал харюусалгатай бүлгэмтэй хамта үзэсхэлэн дэлгэхэ комплекс тойроод, заһабари хэгдэжэ эхилбэ.

«Алтан баг» фестиваль

Ноябриин 19-дэ П. И. Чайковскийн нэрэмжэтэ урлалай колледжын тайзан дээрэ «Алтан баг» фестиваль-мүрысөөнэй нээлтэ үнгэрөө. Энэ мүрысөөн хүүхэлдэйн «Үльгэр» театр уласай Соёлой болон Болбосоролой яамануудтай хамта эмхидхэнэ гэжэ һануулая.

«Четыре неба»

Ноябриин 15-да П.И. Чайковскийн нэрэмжэтэ урлалай колледжын тайзан дээрэ Гунга Чимитовэй түрэһөөр, 100 жэлэй ойдо зорюулагдаһан, «Дүрбэн тэнгэри» гэһэн  можохоорондын 12-дохи уран уншалгын мүрысөөн   үнгэрөө.

Медиатүбэй һургуули

Буряад ТВ субагай «Брусника» гэһэн медиатүбтэй хамта эмхидхэһэн угсаатанай медиа һургуули мүнөөдэрһөө  ажалаа ябуулжа эхилбэ.