«Хонгор hайхан Хориин дайда, хотогор баян Хориин аймаг!» гэһэн Дамба Жалсараевай түрэл аймагай түрын дуулалда ороһон үгэнүүдые мэдэхэгүй хүн байхагүй. Үнэхөөрөөшье, Хориин аймаг жэлһээ жэлдэ хүгжэжэ, һалбаржа байна гэхэдэ, алдуу бэшэ. Аймагай ниигэмэй байгуулганууд жэл бүри hайжаруулагдана. Буряад Уласай Толгойлогшо Алексей Цыденов албанай хэрэгээр Хориин аймаг руу гаража, шэнээр баригдаһан ниигэмэй байгуулгануудта хүрэбэ. Хори нютаг ерэжэ, Толгойлогшо «Хори-парк» гэһэн амаралгын сэсэрлигэй нээлгын баяр ёһололдо хабаадаа.