Зунай амаралта дүүрэжэ, шэнэ һуралсалай жэл эхилбэ. Һургуулиин богоһо анха түрүүшынхиеэ алхажа ороһон үхибүүд урма баяртай, шэнэ эрдэм мэдэсэ абаха бэлэнүүд жэрылдэн зогсоно. Буряадай үндэһэтэнэй 1-дэхи лицей-интернадай һурагшад шэнэлэгдэһэн байшанда һуралсалаа эхилхэнь. Һургуулиин шабинарые, багшанарые тус һайндэрөөр амаршалхаа Буряад Уласай Толгойлогшо Алексей Цыденов түрүүтэй айлшад ерээ.