Үдэр бүриин ажабайдалда хүнэй хэжэ байһан үйлэ хэрэгүүд анхаралгүй үлэжэ болодог. Тиигэбэшье түрэлхидгүй үлэһэн олон тоото үхибүүдэй хуби заяа хубилгаха шэдитэй эхэнэрнүүд уластамнай бии. Тэдэнэй нэгэн хадаа Мухар-Шэбэрэй аймагай Хушуун-Үзүүр нютагта ажаһуудаг Дарима Номтоева. Тэрэ хадаа эхэ эсэгын харууһагүй үлэһэн 15 үхибүүдтэ эхын дура бэлэглэжэ шадаа.