1961 оной апрелиин 12-то Советскэ Союзай космонавт Юрий Гагарин сансарын онгосоор замбуулин руу ниидэжэ, дэлхэй тойрожо бусаһан байна. Энэ үдэрөөр дашарамдуулан Улаан-Үдын Богородско ольтирог дээрэ авиамодельна тамирай улас түрын мүрысөөн үнгэрнэ.
Саарhаар ракетэ хэжэ, тэрээнээ ооhорлоод, тэнгэри өөдэ ниидхүүлжэ мүрысөө. Иимэ тамирай хэзээ бии болоhыень «Созвездие» түбэй багша Александр Ермолаев хөөрэжэ үгэбэ.
Тус авиабүтээлнүүдэй тамирай мүрысөөндэ бүхы уласhаа 66 хабаадагшад, хүүгэдэй нэгэдэлнүүдэй 11 хүтэлбэрилэгшэд хабаадалсаа. Хэмжээ ябуулга тухай Буряад уласай болбосоролой болон эрдэм ухаанай яаманай хорооной түрүүлэгшын уялгануудые дүүргэгшэ Батор Буянтуев хөөрэнэ.
Түнхэнэй аймагай Аршаан нютагай хүбүүн Санжа Будаев энэ хэмжээ ябуулгада багшатаяа хабаадалсахаяа ерээ.
Тус мүрысөөн жэл бүри апрель hарада космонавтикын үдэртэ үнгэргэгдэнэ. Энэ жэл хэмжээ ябуулга Буряад уласай 100 жэлэй, тиихэдэ уласай агаарай флодой 100 жэлэй ойн баярнуудта зорюулагдана.