Шандали нютагай Дарима Норсонова Үбэр-Байгалай хизаарай Забайкальск тосхондо хилэ харууһалагшадай албанда арба гаран жэл ажаллана. Суг хүдэлжэ байһан залуушуулаараа буряад ёһо заншалаа, соёлоо һэргээхэ гэһэн зорилго урдаа табижа, тусхай бүлгэм байгуулха гэжэ шиидээ.
Богонихон саг соо энэ бүлгэм ансамбль боложо, таможниин элдэб таһагуудай ажалшадые, дүршэл ехэтэй ветерануудһаа эхилээд, залуу ажалшад болотор нэгэдүүлээ. Тус ансамблиин бэлиг үргэн хэмжээндэ гаража, 2025 ондо Москвада үнгэргэгдэһэн Оросой таможниин бүхэроссиин мүрысөөндэ бүлгэм илажа гараа юм.
Гадна Забайкальск тосхондо «Талант в форме» гэһэн мүрысөөндэ тус бүлгэм түрүү һуури эзэлээ. Эдэ бүгэдэ амжалтануудынь «Забайкальское созвездие» бүлгэмэй гэшүүд ехэ дүршэлтэй, бэлигтэй гэжэ гэршэлнэ. Дүрбэн жэлэй туршада элдэб хэмжээнэй тайзан дээрэ хатаржа, нютагайхидаа баясуулан, буряад соёлоо дэлгэрүүлхэ хэрэгтэ өөһэдынгөө хубита хилэ харууһалагшад оруулна.
