Хүдөөгэй һургуули гээшэ нютаг бүхэнэй зүрхэн мэтэ. Байгша ондо Уланхаанай дунда һургуули «алтан» ойгоо - 50 жэлээ тэмдэглэнэ. 1930 ондо Хоолой нютагта багахан һургуули бии боложо, хэдэн үе хүүгэдые һүрган гаргаһан болбосоролой эмхиин түүхэ эхи абана. Он жэлэй ошохо бүри шэнэдхэн эмхидхэгдэжэ, тогтонижожо ябаад, 1976 ондо һургуули шэнэ хэмжээнэй болоо һэн.

Тиигэһээр Уланхаанай һургуули ургажа, шэнэ багшанар ерэжэ, һурагшад олошоржо дунда зэргын болоо һэн.
 Һайндэрэй үдэртэ олон гэгшын зон суглараа. Ойн баярта элдэб зохёохы харалга-мүрысөөнүүд, ялас гэмэ тоглолто болон тамирай мүрысөөнүүд эмхидхэгдээ.
 Табин жэл гээшэ горитойхон үе, тиигэбэшье шэнэ замай эхин гэхэдэ боломоор. Уланхаанай   һургуули ёһо заншал, үеынгөө залгамжалал гамтайгаар сахижа хүгжэжэл байһаниинь эли.