«Алтаргана» ехэ нааданай хэмжээндэ баримтата ба уран һайханай киногой мүрысөөн үнгэрөө. Тэрэнэй шэлэн абалгын шатада 40 гаран ажалнууд шүүгшэдэй анхаралда абтаба.

Шүүгшэдэй тэмдэглэһээр, байгша ондо олон залуу найруулагшад энэ мүрысөөндэ хабаадажа, визуальна урлалаар түрэл хэлэеэ зандань үлөөхэ, үе уеын холбоо, элинсэг хулинсагуудайнгаа урда харюусалга тухай шухала асуудалнуудые бодхооһон байна.

Энэ урилдаан буряад арадай соёлой уг баялиг сахин хамгаалха, дэлгэрүүлхэ, залуу авторнуудые дэмжэхэ, буряадуудай хоорондохи соёлой холбоо бэхижүүлхэ үүргэтэй юм. Гадна урилдаанай эмхидхэгшэд мүнөө жэлhээ эхилжэ, Алтаргана нааданда ороhон кино ба фильмуудай суглуулбари зохёохо хусэлтэй. Мүн урда фестивалиин ажалнуудые оруулхаар хараалагдана.