Заншалта, мүнөө үе сагта тааруулhан, «Авангард» маягай хубсаһан. Буряад үндэһэн хубсаһанай заншалта соёл ба шэмэглэлэй аргануудые хэрэглэн, дээдэ шатын уран һайханай шэнжэтэй, мүнөө үеын жэшээтэ хубсаһа зохёохо зорилготойгой «Торгон зам» гэһэн модельернүүдэй бүтээлнүүдэй мүрысөөн хотын Бэеын соёлой, тамирай ордондо үнгэрбэ.

Дэлхэйн модын мүнөө үеын шэглэлнүүдые үндэһэн хубсаһанай зүйлнүүдтэй шадамараар тааралдуулха, заншалта буряад хубсаһа ёһо гурим сахижа бүтээхэ бэлиг шадабари болон хабаадагшадай бусадшье оедолой дүршэлнүүдые шүүгшэд сэгнэбэ.

Мүрысөөндэ буряад хубсаһа оёдог 50 гаран уран гартан хабаадажа, бүхы харагшадые гоё һайхан бүтээлнүүдээрээ һонирхуулба.