Орос Уласай үдэртэ Мухар-Шэбэрэй аймагта заншалта ёhоор зунай Сурхарбаан-2026 наадан хүнхинэбэ. Юрэ  хура бороотой үдэр тудажа, мүрысөөн-нааданууд соёлой болон  тамирай байшангуудта үнгэрөө. Гэбэшье ажаhуугшад энэ уларилда ядалсаагүй, юундэб гэхэдэ талха таряата Түгнынгөө талын уhалагдажа, ургасын hайн байхые булта ойлгоно.

Мухар-Шэбэрэй аймаг арадуудые нэгэдүүлдэг баян соёлтой гэжэ бүхы улас дотороо суутай. Тиимэhээ нютагай ажаhуугшад Сурхарбаандаа өөhэдын үндэhэн хубсаhаяа үмдэжэ, дуу, хатараа бэлдэжэ, бэлиг шадабаряараа бэе бэетэеэ хубаалдана, гёолто, зүүдхэл, гэрэй хэрэгсэлнүүдые шэмэглэхэ үзэсхэлэн дэлгэнхэй.

Аймагай нютаг бүхэндэ ТОСууд эдэбхитэй буян хуряалгын, соёлой болон тамирай ажалнуудые ябуулжал байдаг. Хэзээһээ барилдаашад, hур харбагшад, гар, хүл бүмбэгэ наадагшад тамирай заншалта наадануудаар  мүрысэхэеэ сугларанхай.