Сагай эрхээр элэһэн хилэнүүд, хэдэн мянган зүрхэ сэдьхэл нэгэдүүлһэн ёһо заншалнууд... Захааминай Мойһото гэжэ үзэсхэлэн һайхан газарта хонгоодорнуудай уласхоорондын фестиваль дэлгэгдэбэ. Угай баян баялигые харуулһан соёлой болон тамирай гол хэмжээ ябуулганууд Орос Уласай үдэртэ дэмы үнгэрөөгүй.
Захааминаархид фестивальда хүрэжэ ерэһэн хүршэ Монголой, Эрхүү можын, Түнхэнэй болон Ахын аймагуудай түлөөлэгшэдые халуунаар угтан абаа. Монголой Хүбсэгэл аймагһаа ерэһэн айлшад анха түрүүшынхиеэ энэ хэмжээ ябуулгада хабаадаба.
Фестивалиин хоёрдохи үдэр ялас гэмэ мүрысөөнүүдээр дүүрэн байгаа. Замбаа бэлдэхэһээ эхилээд, эрэшүүлэй хүсэ хэрэглэһэн, гоо һайханай мүрысөөн хүрэтэр. Хэмжээ ябуулга тухай дэлгэрэнгыгээр һаяын үдэрнүүдтэ «Нютагай һонинуудһаа» гэһэн дамжуулгада хараарайт.
