Уран найруулгын, хүгжэмэй болон һүниин түүхэнүүдэй юртэмсэ. Номой сангай хүдэлмэрилэгшын үдэртэ Дондок Улзытуевай, Владимир Липатовай болон Намжил Нимбуевай зохёохы ажалда зорюулагдаһан «Автоэкспресс: поэты пишут ночью» гэһэн һонирхолтой хэмжээ ябуулга Улаан-Үдын түбэй номой сан үнгэргэбэ.

Зогсолто бүхэниинь шэнэ бүлэг болоно. Алхам бүхэниинь уран һайханай шэнжэтэй. Автоэкспресс хадаа хабаадагшадые хотын хэдэн соёлой газарнуудта абаашаа: уласай Уран зураашадай холбооной студида, Залуушуулай уран һайханай театрта, «Хэб-Хаб» гэһэн зохёохы һалбаринуудай түб руушье.

Тус хэмжээ ябуулга хотын уран зохёолой карта бэелүүлгын хуби боложо, Улаан-Үдын 360 жэлэй ойн баярай хэмжээндэ үнгэргэгдэбэ.