Тамирай, элүүр мэндын ба гэр бүлын ёһотойл һайндэр. Мэргэжэлтэ тамиршадһаа эхилээд, эгээл багахан гүйгөөшэд хүрэтэр, хэдэн зуугаад хотын зон Орешковой нэрэмжэтэ сэсэрлигтэ заншалта «Зеленый марафон» гэһэн урилдаанда гаража, зайнууды дабаад, нилээд эршэ хүсэ нэмэбэд.
Эндэ хүүгэдэй урилдаха тусхай богони зайнууд бэлдэгдэжэ, хабаадагша бүхэн арга шадалаа харуулжа, тамирай һонирхол мэдэрхэ аргатай байба. Шангай һуури эзэлһэн эдир хабаадагшад медальнуудта хүртэжэ, эгээл ехээр дэмжэгшэдһээ – эжы абаһаа халуун альга ташалга угтан абаа.
Үшөө 2012 ондо эмхидхэһэн «Зеленый марафон» гэһэн нэрэтэй хэмжээ ябуулга ёһотойл гэр бүлын мүрысөөн байһанаа дахинаа гэршэлбэ. Эндэ элүүр энхэ ажабайдалда дуратай байлга түрэлхидһөө үхибүүдтэ үгэ дээрэ бэшэ, харин хубиин жэшээ дээрэ харуулагдана.
