Майн 9-нэй гол хэмжээ ябуулгануудай нэгэн - “Хэтын жагсаал”байгаа. Мүнөө жэл Агын тойройгой ажаһуугшад энэ акцида олоороо хабаадаба. Айл бүхэндэ Эсэгэ ороноо хамгаалгын  дайнда хабаадажа, Илалта асарһан зон бии.

Энэ жагсаалда мянга гаран зон хабаадаа. Тойрогой нютаг һуурингуудһаа олон хүн зорижо ерээ. 

Эсэгэ ороноо хамгаалгын Агууехэ дайнай сэрэгшэдэй баатаршалга үри һадаһадайнь зүрхэ сэдьхэлдэ үлэнхэй гэжэ «Хэтын жагсаал» үшөө дахин гэршэлнэ. Хэтын хэтэдэ дурасхаалынь мүнхэ байг лэ.