Эсэгэ ороноо хамгаалhан баатарнуудта зорюулагдаһан хүшөө шэнэлэгдэжэ, сэрэгэй тусхай ябуулгада хосорhон хүбүүдтэ дурасхаалай самбар тодхогдожо, гадна алишье үедэ Эсэгэ оронойнгоо амгалан байдалай түлөө шармайhан Тохорюугта нютагаархидай нэрэ мүнхэрүүлхэ дүрэ зурагуудтай самбар нээлгын баяр ёhолол үнгэрбэ.

Эсэгэ ороноо хамгаалгын Агууехэ дайнай ветеранууд болон дайнай үеын үхибүүд hүүлэй жэлнүүдтэ нилээд үсөөрөө. Гэбэшье Лхама Гончиковна, нютагай үндэр наhатан, дайнай эхилхэдэ, оройдоол дүрбэтэйхэн ябаа.

Түүхэдэ орохо шухала hайндэртэ Хориин аймагай Тохорюугта нютагаархид болон энэ нютагhаа гарбалтай зон олоор суглараа. Юуб гэхэдэ хүн бүхэнэй элинсэгүүд Агуу Илалтада өөрын онсо нүлөө оруулhан ха юм.