Хүсэ шадал, һүр һүлдэ ба арга шадабари. Майн 6-да Улаан-Үдын Бэеын соёлой, тамирай ордондо «Росзагаһашалга» гэһэн загаһа барилгын талаар холбоото уласай агентствын дэмжэлгээр үнгэргэгдэдэг нэрэ хүндэтэй «Кубок пяти морей» гэһэн мүрысөөн хоёрдохиёо болохонь. Энэ ехэ хэмжээнэй мүрысөөндэ бүхы гүрэнһөө 12-һоо 14 наһа хүрэтэр эдир барилдаашад сугларха байна.
Эндэ илагшад болон хоёрдохи һуури эзэлһэн тамиршад байгша оной октябрь һарада Москва хотодо үнгэргэгдэхэ түгэсхэлэй шатада орохо эрхэдэ хүртэхэ. Буряад Уласай тамирай сайд Иван Козырев тус мүрысөөнэй удха шанарые онсолон тэмдэглээд, иимэ мүрысөөнүүд эдир тамиршадта гүрэнэй хэмжээндэ гараха, мэргэжэлтэ тамирта түрүүшын алхамуудые хэхэдэнь ехэ туһатай гэжэ хэлэбэ. Тус мүрысөөнэй шангай жаса 1 сая түхэригһөө дээшэ.
