Аюр Цыренов хадаа Орос гүрэндөө эгээл эрилтэ ехэтэй  саунд-продюсернүүдэй нэгэн, Оросойнгоо мэдээжэ дуушадаар ажалладаг хүгжэмшэн юм. «Яндекс. Музыка» талмайда һара бүридөө шагнагшадынь сая хахадһаа үлэнхэй. Хүгжэмшэнэй бүтээлнүүдэй гол онсо шэнжэнь хадаа хатарай хүгжэмүүд болоно.

 «Сагаан алтан диск» 10 сая үлүү шагналгын удаа барюулагдадаг, харин Аюр Цыреновэй Анюта Морозоватай хамта бүтээһэн «Луна» гэһэн дууень хоёрдогоор олон, 25 саяһаа үлүү зон шагнаба. 

 Аюр Цыреновэй урда үшөөл олон түсэбүүд бии, тэрэ үшѳѳ шэнэ бүтээлнүүдые зохёохоор хараална, гэбэшье Оросой, Буряадайнгаа мэдээжэ ододоор ажалаа үргэлжэлүүлхэ, мүн ѳѳрѳѳшье хүгжэм зохёожо туршахаб гэжэ хубаалдаа.