Орос Уласай дэбисхэртэ апрелиин 18-да «Тотальный диктант» эмхидхэгдэхэ. Байгша ондо манай хото тус хэмжээ ябуулгын ниислэлынь болохоор соносхогдоо. Энэ ушараар  манай хото руу хэлэ бэшэгэй эрдэмэй доктор, Оросой Холбоото Уласай Урлалай габьяата ажал ябуулагша Алексей Варламов ерэжэ, эмхидхэгдэһэн 10 талмайнуудай гол нэгэндэнь өөрөө текст уншажа бэшүүлхэ.

«Тотальный диктант» бэшэлгэ хадаа заншалта үйлэ хэрэг болонхой. Бүхыдөө Орос гүрэн дотор тус диктант мянгаад  гаран можо нютагуудта бэшэгдэнэ. Диктантын текст Оросой арадуудай 26 хэлэндэ оршуулагдажа, яһатан бүхэн түрэл хэлэн дээрэ бэшэхэ аргатай. Жэл бүри энэ хэмжээ ябуулгада саяһаа үлүү хүн хабаададаг. Гол зорилгониинь гэхэдэ, хэлэ мэдэхэ бодото хэмжээгээ сэгнэжэ, бэеэ туршана.