Буряадай мэдээжэ уран зохёолшо Исай Калашниковай 95 жэлэй ойдо дашарамдуулан уран зохёолшын нэрэмжэтэ хотын номой санда «Исай Калашниковай уншалга» гэһэн түсэл эхи татаба.
Уран зохёолшо өөрөө буряад хэлэ мэдэхэгүй байбашье, харин тэрэнэй хэдэн олон зохёолнуудынь оршуулагдаһан байгаа. Түрүүшын уншалга «Намаг соогуур» гэһэн туужын хэһэгүүдһээ эхилбэ, хабаадагшад түхэреэн шэрээгэй саана һуугаад, бэе бэеэ һэлгэжэ, хэһэгүүдые уншана.
Исай Калашниковай уг залгамжын баялиг үндэһэн соёлой таһаршагүй хуби болоһоор үнинэй. Энэ түсэлэй ашаар Исай Калашниковай геройнууд олоной урда түрэл буряад хэлэн дээрээ дуугарба.
Энэ түсэл Исай Калашниковай нэрэмжэтэ номой сан болон «Буряад ТВ» телесубаг хоёр хамта бэелүүлнэ. Уран зохёолшын буряад хэлэн дэээрэ оршуулагдаһан табан зохёол булта уншагдахаар түсэблэгдэнэ.
