Байгша ондо Л. Сахьяновагай ба П. Абашеевай нэрэмжэтэ Буряадай хатарай колледж байгуулагдаһаар, 65 жэлэйнгээ ойе тэмдэглэнэ. Тус эмхи Оросой зүүн зүгэй баледэй мэргэжэлтэдые хүмүүжүүлгэдэ үндэһэ һуури табиһан байна. Хэдэн арбаад жэлэй туршада тус болбосоролой эмхи олон тоото мэдээжэ зүжэгшэдые һургажа гаргаһан юм.

 Мүнөө эндэ гансашье Буряад ороной оюутад һурана бэшэ, харин Монгол, Хятад, Япон, хүршэ можо нютагуудай оюутад һурана, энэнь Буряадай баледэй һургуулиин уласхоорондын нэрэ хүндые гэршэлнэ. Колледжын һуралсалай программада классическа балет, хүгжэмэй болбосорол ба юрын дунда һургуулиин хэшээлнүүд ородог. 

Мартын 14-дэ колледждо «Нээлгэтэй үүдэн» гэһэн хэмжээ ябуулга үнгэрхэ. Энэ хадаа ерээдүйн мүшэдтэ ба  тэдэнэй түрэлхидтэ ехэ һонин арга боломжо болоно. Юуб гэхэдэ тэдэнэр багшанартаяа танилсаха, баледэй танхимуудые хараха, зохёохы ажалай оршон мэдэрхэ, һуралсалай талаар бүхы асуудалнуудта харюу абаха гэхэ мэтэ. Энэ юрын һургуули бэшэ, харин ёһотой Соёлой дээдэ һургуули, тэрэ хэдэн арбаад жэлэй туршада нютагай гоё һайханай түхэл бүридүүлнэ ба мүнѳѳ үеын эрхэ байдалда хатарай урлалай үндэр нэрэ хүндые дэмжэнэ.