«Буряад ТВ» субагай зохёохы бүлэг Сэлэнгын болон Зэдын аймагуудаар албан хэрэгээр ябажа ерэбэ. Энэ уулзалганууд дээрэ телесубагай хүтэлбэрилэгшэ Виталий Раднаев Сэлэнгын аймагай захиргаанай толгойлогшо Станислав Гармаевтай Зэдын аймагай захиргаанай толгойлогшо Валерий Шагжитаров хоёртой хэдэн асуудалнуудые зүбшэн хэлсээ. Жэлэй туршада хамтын ажал ябуулха, аймаг дотор үнгэрхэ ямар нэгэн удхатай хэмжээ ябуулгануудые субагай дэлгэсэдэ харуулха, сартуул болон сонгоолнуудай ёһо заншал, соёл урлалтай олони танилсуулха тухай түсэблэгдѳѳ. Үшѳѳ нэгэ шухала асуудалынь гэхэдэ, Буряад ТВ-гэй зохёохы бүлэг тус аймагуудта үхибүүдэй дунда тэбэг нааданай мүрысөө эмхидхэхэ тухай байгаа. Теле-субагай хүтэлбэрилэгшын суг ажаллалга тухай соносхоһон дурадхалнууд аймагуудай хүтэлбэрилэгшэдые һонирхуулаа, харин тэдэнһээ ороһон мэдээсэлнүүд шэнжэлэгдэхэ ба болбосоруулагдаха.