2026 ондо «Дальневосточные дворы» гэһэн программаар Буряад орондо 14 гэр шадарай дэбисхэр болбосон түхэлтэй болгогдохо. Эдэ газарнуудые хэн, яажа шэлэн абааб гэхэдэ, нютаг можын засагай зургаанууд эрхэтэдэй дунда асуулта үнгэргэһэн байна. Эдэ дүнгүүдтэ үндэһэлэн, Буряад орондомнай байгша ондо ажал эхилхэнь.  Улаан-Үдэдэ Партизанская гудамжын 25-дахи гэрэй болон Тальцы гэһэн бага хороогой ажаһуугшадай хотон мүнөө сагайхяар түхеэрэгдэхэ. Мүн лэ Бабушкин, Северобайкальск, Хяагта хотонуудта баһал хото хорёонь шэнэдхэн һайжаруулагдаха юм. Энэл программа руу нютагай засагай аймагуудшье ороно. Нэрлэбэл, Кабанскын, Хойто Байгалай, Түнхэнэй, Муяын, Мухар-Шэбэрэй, Байгал шадарай, Хориин болон Тарбагатайн аймагууд. 2025 ондо тус программа шэнэ нэрэтэй болоо, урид «1000 үрхэтэ айл» гэжэ нэрэтэй байһан, тиимэһээ нютаг можонуудта шэнэлэгдэһэн методическа зүбшэлнүүд эльгээгдээ. Энэ хадаа ажалай шанарай эрилтэнүүдые нэгэ журамтай болгохо ба түсэлэй шиидхэбэринүүдэй хэмжээ дээшэлүүлхэ арга олгоо. 2025 ондо Алас Дурна зүгэй юһэн можо хизаарнуудта, тэрэ тоодо Буряад орондо иимэ хэмжээ ябуулганууд үнгэрһэн байна.