“Уушханай ханяадан ба үбшэнгүүд: уласхоорондын хөөрэлдөөн ба суг ажаллалга”. Иимэ нэрэтэй ехэ хэмжээнэй үйлэ хэрэг Буряад Уласта анха түрүүшынхиеэ ажалаа эхилбэ. Энэ хадаа уушханай ханяданай эмшэдэй Уласхоорондын Евро-Азиин түрүүшын хуралдаан болоно.
Үндэһэтэнэй номой сангай байшанда мартын 11-һээ 13 болотор, семинарнууд, бүгэдын оролсоотой сессинүүд, залуу эрдэмтэдэй хуралдаанууд болон мастер-классууд үнгэргэгдэхэ. Хуралдаанай ажалда хүршэ Монгол ороной, СНГ-гэйн зургаан гүрэнүүдэй түлөөлэгшэд, Оросой Холбоото Уласай мянга гаран мэргэжэлтэд, зуу гаран элидхэлшэд хабаадаха. Тус хуралдаанда харилсаагүйш гуримаар хабаадаха арга бии.
Эндэ Россиин болон хари гүрэнүүдэй элдэб можо нютагуудай мэргэжэлтэд уушхайнай ханяада шэнжэлдэг эрдэмэй болон бусад амисхалай хорон үбшэнгүүдэй асуудалнуудые зүбшэн хэлсэхэ юм.
