«Кристалл» гэһэн ниигэмэй соёлой түб болон Улаан-Үдэ хотын Зүблэлтын хороогой захиргаанай эмхидхэһэн «Урагшаа» гэһэн түрүүшын залуушуулай фестиваль Вагжановай нэрэмжэтэ Соёлой ордондо үнгэрһэн байна.

Мүрысөөнэй гол зорилго хадаа буряадай залуушуулай зохёохы шадабариие хүгжөөхэ эрхэ байдал тогтоожо, Улаан-Үдын соёлой ажабайдалда залуушуулые хабаадуулжа, буряад арадай соёлой баялигые сахилга  болоно.

Тус мүрысөөн «Ёһо заншалай ажамидарал», ёохор хатар гэһэн хоёр шэглэлээр сэгнэгдэһэн байна. Бүхы шатануудай дүнгүүдээр, хабаадагша 7 һургуулинуудһаа  Улаан-Үдэ хотын 3-дахи гимнази дээдэ шанда хүртөө.