«Свет мой, зеркальце! Скажи» – энэ «Үльгэр» театрай шэнэ труппын гурбадахи зүжэг боложо тодорбо. Тэдэ hаяхана Оросой гүрэнэй тайзанай урлалай дээдэ һургуули түгэсхэжэ бусаад, амжалтатай үхибүүдые баярлуулhаар. Гадна энэ шэнэ зүжэгэй түрүүшын харалганда 2002 ондо дүүргэhэн, дүйтэй, мэдээжэ болоһон зүжэгшэд хабаадалсаа.

Театрай зохёохы бүлгэм хахад жэл соо бэлдээ, Пушкинай элдэб жэлнүүдэй текстнүүдые холбоһон зүжэг зохёолго байгуулагдаа, хэhэг бүхэндэнь тусхай хүгжэм бэшэгдэhэн байна. «Үльгэр» театрай уран hайханай хүтэлбэрилэгшэ Эрдэни Жалцанов бүтээгшэдтэй хамта агууехэ поэдэй үе сагые, Эртэ урдын Оросой байдал, мүнөө үеые холбожо, драмын, хүүхэлдэйн, медиа болон нугархай театрай уулзуур дээрэ хүгжэмтэ зүжэг байгуулаа.

Шэнэ зүжэгэй түрүүшын харалгые хотын hургуулинуудай эхин ангиин hурагшад халуунаар угтажа абаад, ехэтэ hонирхожо анхарhан байна. Юуб гэхэдэ, зүжэг соо ажабайдалай эгээл шухала асуудалнууд харуулагдана. Худал ба үнэн сэхэ байдал, hайн hанаан болон хүнэй муу абари зан. Зүжэг шэнэ жэлэй ута амаралтануудта Буряадай гүрэнэй ехэ hургуулиин баярай суглаанай залда харахада болохо. Наhанай хизаарлалта 6 наhанhаа доошо.