Декабриин 19-дэ «Залуу» гэhэн оршон ʏеын урлалай тʏбтэ «Тоонто нютаг» нэрэтэй мʏрысөөнэй тʏгэсхэлэй шата ʏнгэрбэ. Энэ ʏдэр илагшад шагнагдажа, хабаадагшадай бʏхы ажалнуудынь бултанай анхаралда дурадхагдаhан байна.
“Тоонто нютаг” гэһэн үзэсхэлэнэй гаршаг хэмжээ ябуулгын гол удхые дʏʏрэнээр харуулаа. Буряад ёhо заншалаар «нютаг» хадаа миин ажаһуудаг газар бэшэ, харин оюун сэдьхэлэй, соёлой түб, элинсэг хулинсагуудай тʏрэhэн газар, хүнэй өөрын онсо шэнжэ, хүсэ шадал татадаг газар ха юм.
Тус үзэсхэлэн уралиг эхэ орондоо дурлал хоёрые нэгэдүүлһэн соёлой шухала хэмжээ ябуулга боложо, айлшадта нютагайнгаа, түүхынгээ сэнтэй байһые бодомжолхо арга олгоо.
Буряад Уласай Толгойлогшын болон Засагай газарай Захиргаанай грантаар хангагдаһан «Эхэ орон хаанаһаа эхилнэб» гэһэн түсэлэй хэмжээндэ тус мүрысөөн бэелүүлэгдэбэ. Чайковскийн нэрэмжэтэ урлалай колледж «Байкал ART» гэhэн зохёохы һалбаринуудай һургуули тус мүрысөө эмхидхэгшэд болоно.
