Олоной hонирхол татаһан «Бүлэ батл» дамжуулга одоол түгэсэбэ. Ёһо заншал, бэе бэеэ ойлголсолго, шог ёгто үгэ – эдэ бүгэдэ гэр бүлын амжалта туйлахын эшэ үндэһэниинь боложо үгөө. Хэдэн һарын туршада түсэлдэ хабаадагшад элдэб бэрхэшээлнүүдые дабажа гараа.
Түсэлэй шата бүхэн буряад үндэһэ яһанай шухала зүйлнүүдтэ зорюулагдаа. Гэр бүлэнүүд ганса эрдэм мэдэсын, шадабариин талаар бэшэ, мүн лэ хүсэ шадалаараа мүрысэжэ, тамирта дуратай байһанаа харуулһан байна. Эдэ бүгэдэ гэр бүлын журамтай байлгын, элүүр энхын үндэһэ һуури болоно ха юм. Тиигэжэ шата бүхэнэй оноонуудые нэмэжэ сэгнэлгын дүнгүүдээр, Леонид ба Дарима Мантуровтанай бүлэ илажа гараа.
Хабаадагшад мүнөө дээрээ элинсэг хулинсагуудайнгаа мартагдажа байһан урданай заншалнуудые һэргээхые оролдоо. Энэ хадаа залуушуулда арадайнгаа соёлой сэгнэшэгүй ехэ баялигые дамжуулха ябуулга болоно.
