Ноябриин 22-һоо 23 болотор, Токио хотодо карате тулалдаанай эгээл шанга шэглэл болохо киокусинкайгаар дэлхэйн түрүү һуури эзэлхын түлөө мүрысөөн үнгэрбэ. Тэндэ 41 гүрэнһөө 850 тамиршад суглараа.

Оросой команда эндэ хамта дээрээ 97 медаль абажа, түрүү һуури эзэлээд, түүхэтэ рекорд харуулба. Манай гүрэнэй командын илалтада Буряад Уласай түлөөлэгшэд горитойхон хубияа оруулалсаа. Мария Кузнецова басагадай дунда кумите бүлэгтэ мүнгэн медальда хүртөө, тиихэдэ ветерануудай дунда энэл бүлэгтэ Алексей Фёдоров баһал мүнгэн медаль абаба.

Тамиршадые эрхим дүнгүүдээрнь амаршалаад, саашадаа илалтануудые туйлажа байхыень хүсэнэбди!