Буряад арадай гайхамшагта зохёолой нэгэн хадаа «Гэсэр» үльгэр болодог. Буряад хэлэнэй багшанарай урда энэ үльгэр үхибүүдтэ хайшан гэжэ дамжуулхаб, удхыень ойлгуулхаб гэжэ шухала асуудал гарадаг гээшэ. Тиимэһээ Хурамхаанай аймагай Уланхаанай дунда һургуулин багша, захирал Марина Бубеева, энэ үльгэр дээрэ үндэһэлжэ, «Гэсэр» гэһэн шэнэ наада зохёобо.

Энэ наадан һурагшадта үльгэрэй удхатай бэлэ мүртэйгөөр танилсажа, нааданай аргаар зохёолой геройн олон тоото габьяануудые шэнжэлхэ арга олгоно.

Нааданай дүримүүд юрын, шэрээгэй наадануудта адли, эпосэй удхын талаар 50 асуудалнуудые хараалһан карточканууд. Үхибүүд тэрээндэ ехэ дуратай, һонирхоно, дүримынь булта һайн мэдэдэг болоо, сүлɵɵ сагтаа наадаха арга оложо, яһалхан түрисэлдэнэ.

Тус нааданай аргаар үхибүүд үльгэрэй удхые һайнаар ойлгожо абана, мүн лэ хэлэ хүгжѳѳлгэдэнь нэмэри боложо үгэнэ, буряад арадайнгаа түүхэтэй, соёлтой бүри гүнзэгыгөөр танилсана гээшэ. Тус наада гансашье һургуулида бэшэ, гэртээ, алишье наһанай зоной наадахада болохо.