Вагжановай нэрэмжэтэ Соёлой байшанда Улаан-Үдэ хотын 5-дахи тусхай гвардейскэ танкова бригадын сэрэгшэдтэ зорюулагдаһан «Сердца для героев» гэhэн буян үйлэдэлгын тоглолто үнгэрбэ. Тус тоглолто хадаа буряад ороноймнай арадай һандаршагүй нэгэ бүлэ байһые  гэршэлээ.

Тоглолтодо дэмжэлгын олон үгэнүүд хэлэгдээ, буряадай мэдээжэ дуушадһаа болон уласай зохёохы бүлэгүүдһээ гоё дуунуудшье зэдэлээ, ялас гэмэ хатарнуудшье харуулагдаа. 

 Хэнэйш мэдэһээр, 5-дахи тусхай гвардейскэ танкова бригада 2022 онһоо сэрэгэй тусхай ябуулгада хабаадана. Тэдэ Угледарые Украинын зэбсэгтэ байгуулгануудай гэшүүдһээ сүлөөлэлгэдэшье хабаадалсаа. Минск хото сүлөөлэлсэһэнэй түлөө Улаан Тугай ба Суворовой II шатын орденуудаар шагнагданхай. Тоглолтодо сугларһан бүхы мүнгэн эм домдо болон сэрэгшэдтэ хэрэгтэй хэрэгсэлнүүдые худалдан абалгада шэглүүлэгдэхэ юм. Хандиб үргэлгэ хадаа  Эхэ ороноо хамгаалагшадтамнай ёһотой дэмжэлгэ ба этигэлынь болоно!