Харагшадые үнэхөөр һонирхуулһан гэр бүлын шоу-наадан үргэлжэлһөөр! Буряад ёһо заншал, үдэр бүриин ажабайдал, соёл мэдэсэеэ харуулжа, эрхим бүлэ гэһэн нэрэ зэргэдэ хүртэхын түлөө зургаан шэнэ бүлэнүүд мүрысэжэ эхилбэ.

Тус түсэлэй гол зорилго хубилнагүй: хабаадагшад заал һаа ехэ юумэ мэдэхэ бэшэ, харин гэр бүлын нэгэдэл, буряад соёлдоо үнэн сэхэ байдагаа харуулха. Онсолон тэмдэглэхэдэ, энэ удаа Тыва Уласһаа гарбалтай гэр бүлэ хабаадана.

«Бүлэ батл» дамжуулгын шэнэ хуби эгээл һүрөөтэй, сэдьхэл хүдэлгэмэ байха гэжэ найдуулна. Харагшад  ноябриин 12-һоо эхилжэ, долоон хоног бүхэндэ энэ дамжуулга Буряад ТВ субагта хараха аргатай. Гадна субагай болон Буряад Уласай залуушуулай түбэй сүлжээ холбоонуудта орожо, түсэлэй ябасые адаглахада болоно.