Улаан-Үдэдэ дунда ба дээдэ һуралсалай эмхи зургаануудай оюутад нэгэ газарта сугларба. Ушар юуб гэхэдэ, «Асториум» гэһэн түбтэ эдэбхитэй оюутадай уласай һургуули үнгэрөө. Залуушуулай эмхинүүдэй гэшүүд яажа грант бэшэхэб, яажа һайн дуратан болохоб, яажа Хани  барисаанай уласхоорондын клубай гэшүүн болохоб гэһэн мэдээсэлнүүдээр оюутадтай хубаалдаһан байна.    

 Сугларһан оюутад ехэ эдэбхитэйгээр Хани барисаанай уласхоорондын клубай гэшүүдэй буряад хэлэн дээрэ бэлдэһэн асуудал-харюу нааданда оролсоо, харин тэдэндэ энэ наадан ехэ һайшаагдаба. 

 Дунда ба дээдэ һуралсалай эмхи зургаануудай оюутад Эдэбхитэй оюутадай уласай һургуули гараһандаа ехэ баяртайнууд бусаа. 

Залуушуулай хэрэгүүдээр Улас түрын агентствэ, Буряад Уласай Залуушуулай, Һайн дуратанай «Добродом» түбүүд  «Эдэбхитэй оюутадай уласай һургуули» гэһэн хэмжээ ябуулгын эмхидхэлшэд болоно.

Энэ һуралсалай ашаар оюутад өөрынгөө эрдэм мэдэсэ  үргэдхэхэ, арга боломжоёо нээхэ аргатай болоо. Тус хэмжээ ябуулгынгаа эсэстэ оюутад булта нэгэдэжэ, ёохор хатараа.