Хүгжэм найруулагша, хүгжэмэй хүтэлбэрилэгшэ Галмандах Баттулга «Байгал» театртаа хорёод жэл зорюулаа. Тэрэ зэмсэг бүхэнэй аялга сэдьхэлдээ шэнгээжэ, ехэ ханалгатайгаар тоглолтонуудтаа бэлдэдэг заншалтай, харин дүтэлжэ байhан тоглолто имагтал онсо, харюусалгатайшье гэжэ хубаалдана.

«Байгал» театр Буряадай арадай зэмсэгүүдэй  оркестрэй 85 жэлэй ойн баярта зорюулжа, «Байгалай абяанууд» гэһэн зохёохы түсэл дурадхана. Морин хуур, иочин, ятага, лимбэ гэхэ мэтэ бүхы үндэhэн зэмсэгүүд үдэр бүри үглөөнhөө үдэшэ болотор зэдэлнэ. Харин хүгжэмшэд булта дүйтэй, ганса «Байгал» театрта сагаа зорюулна бэшэ, хажуугаарынь өөрын ажалнуудтай. 

Тус тоглолтодо талын, хада уулануудай аялганууд мүнөө үеын абяануудтай ушаржа зэдэлхэ, нангин Байгал далайн долгинуудтал абяанууд үндэһэтэнэй оркестрэй бэлигтэй хүгжэмшэдэй заншалта зэмсэгүүдhээ салгидан урдаха юм.

 «Звуки Байкала» тоглолто ноябриин 6-да Ород драмын театрта үдэшын зургаа хахад сагта үнгэрхэ. "Байгалай абяанууд" хадаа арадай үнгэрһэн ба ерээдүй хоёрой  хоорондохи хүүргэ, жэлэй дүрбэн сагта Буряад ороной сэдьхэлые зураглаhан дүрэ болоно.