Гүрэндэмнай ниигэмэй архитекторнуудай түрүүшын мүрысөөн түгэсэбэ. Эдэ мэргэжэлтэд ниигэмэй бэрхэшээлнүүдые шиидхэхэ зорилготой дүримүүдые болон үүсхэлнүүдые зохёожо бэелүүлбэ. Тус мүрысөөндэ бүхыдөө 7,5 гаран хүн хабаадаа, 200-иинь түгэсхэлэй шатада орожо, «Сенеж» гэһэн хүтэлбэриин газарта уулзажа, һуралсал гараһан байна. Түгэсхэлэй шатада орогшодой тоодо Буряад Уласай Толгойлогшын ба Засагай газарай захиргаанай хүтэлбэрилэгшын мэдээсэлэй бодолгын, олониитэтэй харилсаануудай ба олониитын түсэлнүүдэй талаар орлогшо Ирина Доржиева.
Гүрэнэй юрэнхылэгшын захиргаанай хүтэлбэрилэгшын орлогшо Сергей Кириенко ниигэмэй архитекторнууд гэһэн шэнэ мэргэжэл эрилтэ ехэтэй гэжэ тэмдэглээ.
Ниигэмэй архитекторнуудай мүрысөөн «Россия – страна возможностей» гэһэн Бэеэ дааһан аралжаанай бэшэ эмхи зургаан болон Юрэнхылэгшын Академиин дэмжэлгээр гүрэн дотор ниигэмэй эрхим архитекторнуудые оложо шэлээд, тэдэнэй тогтууритай бүлгэм байгуулха зорилготойгоор үнгэрөө гээшэ.
