Тусхайтаар туршалгын удаа нютагай үйлэдбэрилэгшэдэй болон бусад можо нютагуудай дээрэ дурдагдаһан эдеэ хоолой 4-иинь лэ шэлэгдэн абтаа. Шалгалтын бодото байхын тулада наймаанай бүхы тэмдэгүүд нюуса болгогдоһон байна.
Эдеэ хоолой зүйлнүүдые Улаан-Үдэ хотын ажаhуугшад туршажа үзөө. Шалгалта яажа үнгэрөөб гэхэдэ, табигдаhан дүрбэн эдеэнэй зүйлнүүдэй жэшээнүүдһээ хүн бүхэн бултыень туршаад, харин шэлэhэнэйнгээ удаа нэгэндэнь лэ дуугаа үгэхэ аргатай байгаа.
Арадай жюриин һанамжаар, сэгнэлтэ гараһан эдеэ хоолой зүйлнүүдһээ 20 процентдэ хүрэмэ хурса ээзгэй гэһэн бүлэгтэ «Молоко Бурятии» болон «Казанский молочный комбинат» эмхинүүд түрүү hуури эзэлээ. Үрмэнэй тоhо холисотой эльгэнэй паштет гэһэн зүйлөөр «Лыткаринский МПЗ» (группа компаний «РУЗКОМ») диилэжэ гараа. «Зебра» гэһэн пряник гэһэн зүйлөөр «Сибирский Вкус» гэhэн Абаканай үйлэдбэригшэд түрүүлээ. Газтай лимонад гэһэн зүйлэй дунда Эрхүүгэй «Байкал-Инком» диилэhэн байна. Арадай дуугаа үгэлгөөр эдэ илагшадые тодоруулаа гээд һануулнабди. Үлэмжэ шанар һайтай эдеэнэй зүйлнүүд тухай эсэсэй шиидхэбэри этигэмжэтэй лабораторинуудта шалгалта гаргуулһанай һүүлээр лэ абтаха юм.
