NA-BE гэжэ юун бэ? NA-BE гээшэ Солонгос гүрэнэй зохёохы бүлэг, тэрэниие буряад хэлэндэ оршуулхада, "нам шэнги ажамидарха" гэһэн удхатай.
Мүнөө үеын урлалай "Залуу" түбтэ «NA-BE in Russia» гэһэн үзэсхэлэн нээгдэбэ. Тус бүлэг элдэб мэргэжэлтэй, элдэб наһанай гэшүүдһээ бүридэнхэй, тэдэнэр долоон хоногтоо нэгэ удаа хоёр часай туршада сугларжа, элдэб бүтээлнүүдые зохёодог, зурагуудые зурадаг.

Зурагууд болон бүтээлнүүдыень харахада, ɵɵрын онсо маягтай, заншалта урданай болон мүнөө үенүүдые зохидоор ниилүүлһэниинь элеэр харагдана.

Тус үзэсхэлэн мүнөө үеын урлалай "Залуу" түбтэ октябриин 13-һаа 17 болотор үнгэрхэ.