Агын нэгэдэхи һургуули түгэсхэжэ гараһан Баатарлиг үйлэ хэрэгүүдэй түүхэ “Под знаменем героев” гэһэн түсэлэй үндэһэн һуури болоо юм. Арбан табан жэлэй саана залуу матрос Алдар Цыденжапов өөрынгөө ами наhаяа хайралангүй түймэр унтараажа, онгосын экипажые абарhан юм. Тэрэнэй үйлэ хэрэг эрэлхэг зоригтой ябадалай һүлдэ тэмдэг болонхой. Һураһан һургуулидань баатар хүбүүдэй нэрэ булта нангинаар сахигдан байдаг. Энэ удаа дурасхаалай үдэшэ һурагшадышье, багшанарышье, түрэлхидые дахин нэгэдүүлээ.
Энэ хэмжээ ябуулгын гол зорилго хадаа баатарнууд тухай дурасхаал мүнхэлүүлжэ, мүнөөнэй үхибүүдые зоригжуулхын тула зохёогдоо. Агын нэгэдэхи һургуули Үбэр-Байгалай хизаарай амбан захирагшын грантын дэмжэлгээр, ехэ хэмжээнэй программаар бэелүүлөө. Һургуулиин үхибүүд баатарнуудай түүхэ мэдэхэһээ гадна, шэнэ шэглэлнүүдые шэнжэлхэ аргатай болоо. Сэрэгшын зэмсэгүүдээр хүдэлжэ һураха, бэеын тамирай һорилго хэхэ. Бүхыдөө табан үдэрэй туршада һурагшад һуралсал гараа.
Баатарнуудай габьяанууд hургуулиин шабинарта эрэлхэг зоригой жэшээ боложо, шэнэ мэдэсэ, шадабаринууд Эхэ орондоо дуратай, харюусалгатай байхын мэдэрэл хүмүүжүүлгэдэ туhа хүргэнэ.
