Октябриин 1-дэ, Хүгжэмэй уласхоорондын үдэртэ, оперо болон баледэй театрай тайзан дээрэ Буряад Уласай хүгжэм зохёогшодой холбооной 85 жэлэй ойн баярта дашарамдуулан тоглолто үнгэрхэ. Харагшад дүрбэн үеын хүгжэм зохёогшодой зохёолнуудые шагнаха аргатай байха.

Тус тоглолтодо мүн лэ Татарстан Уласай оперо болон баледэй театрай түрүү прима, уласхоорондын мүрысөөнүүдэй илагша Венера Протасова хабадаха юм.

Уласаймнай хүгжэм зохёогшодой холбооной 85 жэлэй ойн баяраар Орос Уласай хүгжэм зохёогшодой холбооной правлениин түрүүлэгшэ Рашид Калимуллин амаршалхаяа ерээ.

Буряадай хүгжэм зохёогшодой холбооной 85 жэлэй ойн баярта дашарамдуулан тоглолто октябриин 1-дэ үдэшын 6 хахад сагта оперо болон баледэй театрай тайзан дээрэ үнгэрхэ. Наһанай хизаарлалта 6 наһанһаа доошо.