Элиста хотодо уласхоорондын гурбадахи хуралдаан түгэсэбэ. Гурбан үдэрэй туршада санаартан, түүхэшэд болон Буддын шажан шудалдаг бусад мэргэжэлтэд энэ һургаалда хабаатай гол асуудалнуудые зүбшэн хэлсэбэ. Жэшээнь, гол сэдэбүүдэй нэгэн гэхэдэ, Буддын шажан шудалха, дэлгэрүүлхэ хэрэгтэ зохёомол оюун ухаан бэелүүлгэ болоно.
Хөөрэлдөөндэ элдэб һанамжанууд оруулагдаа. Дүхэриг шэрээдэ сугларһан зон компьютернуудта дүүрэн этигэхэ хэрэггүй гэжэ тэмдэглэнэ. Үшөө нэгэ хубиньхадаа эмнэлгэ болоно. Буддын шажантанай заншалта Сангха эндэ дурадхал оруулба.
Форумдо хабаадагшадай болон айлшадай тэмдэглэһээр, хэмжээ ябуулга урагшатай үнгэрөө.
Энэ хуралдаанай гол үйлэ хэрэг хадаа Шэгэмүүни бурханда хүгжэмэй ёһололой үргэл хэгдээ. Хальмагай болон Буряадай түрүү зүжэгшэд, домбра дээрэ наадагшад нангин хүгжэмэй найруулгануудые гүйсэдхэбэ.
Буддын шажанай уласхоорондын гурбадахи хуралдаан түүхэдэ оробо гээшэ. Хэдэн хэлсээнүүд, тогтоолнууд баталагдаа, хөөрэлдөөнүүд болоо. Теэд хойто жэлдэ тэдэниие яажа бэелүүлхэб гэжэ Тывада элирүүлэгдэхэ. Дэлхэйн Буддын шажантанай дүрбэдэхи хуралдаан Кызыл хотодо эмхидхэгдэхэ болобо.
