Дарима Аликова-Базаровагай нэрэ Ага тосхоной 2-дохи дунда hургуули дүүргэгшэд, мүнөө үеын һурагшад булта мэдэхэ. Ушарынь гэхэдэ, залуухан Дарима багша эрэлхэг зоригтой ябадал харуулжа, Беслан хотодо 2004 оной сентябриин 1-дэ террористнуудһаа олон һурагшадые ами наһаяа хайрлангүй абарһан.
Терроризмтай тэмсэхэ эб найрамдалай үдэр жэл бүри сентябриин 3-да манай гүрэн дотор тэмдэглэгдэдэг. Агын тойрог дотор бүхы нютаг һуурингуудаар түүхэеэ сахиха, энхэ тайбан, нэгэдэл, эрхэтэнэй харюусалга гэһэн үнэтэ зүйлнүүд тухай залуушуулда хөөрэхэ зорилготой дурасхаалай хэмжээ ябуулганууд үнгэрдэг.
Беслан хотодо гурбан зуу гаран хүн террористнуудай һомонһоо ами наһантаяа хахасаһан юм. Тэрэ тоодо олон үхибүүд. Дарима Аликова-Базаровагай абарһан хүүгэд багшымнай нэрэ хододоо мүнхэ гээд хэлэдэг.
