«Түрэлхи хэлэн ба уран зохёолой эрхим багша» гэһэн гүрэн түрын хэмжээнэй мүрысөөн Буряад Уластамнай эхилбэ. Байгша ондо мүрысөөндэ Оросой 87 можо нютагуудай 120 багшанар болон хүмүүжүүлэгшэд хабаадана. 2024 ондо Казань хотодо үнгэрһэн мүрысөөндэ буряад хэлэнэй багша Светлана Раданжапова илажа гараа һэн гээд һануулая.

 Буряад Уласнай иимэ ехэ хэмжээнэй мэргэжэлтэ бэлиг шадабариин мүрысөө, хаа-хаанаһаа ерэһэн эрхим багшанарые угтан абаба, энэмнай тон шухала үйлэ хэрэг гэжэ Буряад Уласай Болбосоролой болон эрдэм ухаанай сайд Валерий Поздняков хубаалдаба. 

 Улаан-Үдэ хотын 8-дахи һургуулиин буряад хэлэнэй багша Саяна Будажапова энэ мүрысɵɵндэ мүнөө уласаа түлɵɵлнэ.

Энэ мүрысөөн түрэлхи хэлэеэ дэмжэхэ, дүй дүршэлөөрөө, амжалта, туйлалтануудаараа хубаалдаха, багшанарай шадабари, мэдэсэ баяжуулха зорилготойгоор үнгэргэгдэнэ.