Хүдөө һууринуудта хүдэлхэеэ ошоһон элүүрые хамгаалгын, болбосоролой, хүдөө ажахын һалбаринуудай залуу мэргэжэлтэд гэр байрын талаар гүрэнэй дэмжэлгэдэ хүртэхэ аргатай. Иимэ дэмжэлгэдэ Мухар-Шэбэрэй аймагай Түгнын дунда һургуулиин ород хэлэнэй багша Виктория Ергалова хүртэбэ, тэрээндэ гэр баригдажа байна.

 Үшөө нэгэ гэр Мухар-Шэбэр нютагта бодхоогдохо. Баригдажа байһан гэрнүүдэй бүхы гаргашань 13 гаран сая түхэриг болоно. Буряад Уласай Толгойлогшо Алексей Цыденов Мухар-Шэбэрэй аймагта ажалайнгаа хэрэгээр ерэхэдээ, гэрнүүдэй барилга шалгаа. 

 Мухар-Шэбэрэй аймагай Түгнын дунда һургуулиин ород хэлэнэй багша Виктория Ергалова шэнэ гэртээ энэ жэлэй октябрь һарада орохо түсэбтэй.