Агын дасанай Майдари хуралай абарга нэрэ зэргэдэ хүртэхын тула мүнөө жэл зуу гаран харбаашад ба бүхэшүүл суглараа. Нэн түрүүн буряад арадайнгаа ёһо заншал сахиха, үндэһэн тамирай зүйлнүүдые дэлгэрүүлхэ гэһэн зорилго лама санаартан табиһан байна.

Бүхэ барилдаагаар мүрысөөн һургуулиин хүбүүдэй ба бүһэтэйшүүлэй дунда бэеын хэдэн жэнгүүдээр үнгэрөө. Тэмсээнэй дүнгөөр Дамдинов Очир, Номоконов Данил, Жигзымаев Цырен, Номоконов Стас, Ширапов Доржи, Батоев Саян, Содномов Балдан, Жамбалов Зориг гэгшэд жэн бүхэндөө түрүү һууринуудые эзэлээ.

Һуур харбалгаар мүрысөөн эхэнэрнүүдэй, бүһэтэйшүүлэй хоорондо амяараа эмхидхэгдээ. Харин абсолютна абарга нэрэ зэргэдэ Ага-Хангил нютагай Дарма Ринчинов хүртэбэ. Тэрээндэ амиды хонин гол шан барюулагдаа. 

Майдари хуралда зорюулагдаһан мүрысөөнүүд олоной анхарал татажа, стадионой танхимаар дүүрэн харагшад сугларжа, тамиршадые дэмжээ. Эмхидхэгшэдэй гол зорилго дүүрэн бэелүүлэгдэнэ гэжэ тэмдэглэмээр.