Чимит Бальжинимаевай хүтэлбэри доро Улаан-Үдэ хотын һунгамалнуудай зүблэлэй ээлжээтэ 13-дахи сесси үнгэрбэ. Эндэ һунгамалнууд 15 асуудалнуудые зүбшэн хэлсээ, тэдэнэй гол шухалань гэхэдэ, 2025 оной бюджедтэ хубилалтануудые оруулга ба 2026-2027 онуудай түсэблэлгэ болоно.
Сессиин үшөө нэгэ шухала асуудал хадаа ниитын унаагаар ябалгын сэн дээшэлүүлгэтэй холбоотой байгаа. Тиигэжэ июлиин 7-һоо автобус унаагаар ябалга 40, трамвайгаар – 35 түхэригтэ болохонь. Тиихэдэ ябадалай үнэмшэлгэтэй болон тусхай эрхэтэй зоной биледүүдэй сэн тэрэл зандаа үлэхэ.
«Байгал» аэропортһоо Улаан-Үдэ хотын түб хүрэтэр, дары түргэнөөр хүрэхэ замай тогтомол сэн баһал баталагдаа. Тиихэдэ Барилгын талаар хороон, нютагай засагай эд зөөри эрхилхэ, ашаглаха гуримда болон нютагай засагай ой модоной хиналтада хабаатай хубилалтануудые, мүн һунгагшадай 2025 оной захяануудай нэрэ тоолборидо хубилалтануудые оруулха тухай асуудалнууд баһал зүбшэн хэлсэгдээ.
