Июниин 6-да «Патриот» түбтэ 1970–1980-аад онуудай уласай Алтан командада зорюулагдаһан сүлөөтэ барилдаагаар уласхоорондын мүрысөөн үнгэрбэ.

Виктор Баймеев, Нима Ивахинов, Валерий Иванов, Геннадий Баймеев, Виктор Очиров болон Владимир Ангархаев гэгшэд Буряадай 70-80-яад онуудай алтан командын домог суута һоригшодынь мүн. Тэдэнэй шанга хүтэлбэри доро Буряадай барилдаанай һургуули дэлхэйн  хэмжээндэ гараһан байдаг. Клим Олзоев, Олег Алексеев, Геннадий Манжуев, Борис Будаев, Мунко Цыдыпов, Аюр Цырендоржиев, Бато Дашинамжилов, Владимир Балданов, Баяр Цыренгармаев, Гармажап Цыренов, Владимир Вострецов, Кирилл Балдаев, Илья Гармаев, Анатолий Лезнов, Вячеслав Мархаев, Виктор Ринчинов гэгшэд Алтан командын бүридэлдэ ороһон тамиршад гээшэ.

Ургажа ябаа залуу үетэндэ барилдаанай арга дүрэ, мэхэ гохо болон тамирай жэнхэни үнэтэ зүйлнүүдые  дамжуулга, хамтын һүр һүлдэ, хэрэгтэ үнэн сэхэ, Эхэ орондоо дурлал – тус мүрысөөнэй зорилго. Буряад Уласай Тамирай болон залуушуулай бодолгын талаар яаманай зүгһөө медальнууд болон дипломууд хэмжээ ябуулгын илагшад болон шалгарагшадта барюулагдаба.