Бага наhанhаа бултанда танил Чебурашка тухай дуу Буряадай эрдэмтэн зохёоhон гэжэ мэдэнэ гүт? Энэ жэлдэ Бата Баяртуев 75 наһа гүйсэхэ байгаа. Энэ ушараар Буряадай эрдэмэй түбтэ суглаан үнгэрбэ.
Бата Баяртуев арадай аман зохёол шэнжэлхынгээ хажуугаар Бүгэдэ Буряадай үндэһэн соёлой эблэлэй түрүүлэгшэ байһан юм. Тэрэнэй үүсхэлээр, буряадууд аяар 60 жэл боложо, Сагаалганаа тэмдэглэжэ эхилһэн юм.
Бата Баяртуевай түрэл хэбэд номхон Хэжэнгэ нютагтань Дурасхаалай самбар нээгдэхээр түсэблэгдэнхэй.
Арад зонойнгоо түлөө ехээр һанаагаа зободог, уран үгэтэй, дуунуудыш бэшэдэг, дүрбэн тэгшэ багша байһан тула шабинарынь Бата Баяртуевай хойноһоо һүрэгөөрөө дахажа ябадаг һэн гэжэ суглаанда ерэһэн зон дурсабад.
