Июниин 7-до 50-дахи һургуулиин стадион дээрэ Улаан-Үдэ хотын зүблэлэй һунгамал Бэликто Цыбиковэй шангуудта хүртэхын түлөө гар бүмбэгөөр   болон хүл бүмбэгөөр мүрысөөн үнгэргэгдэжэ, Эсэгэ ороноо хамгаалгын Агууехэ дайнда Илалта туйлаһаар 80 жэлэй ойдо зорюулагдаа.

Тус мүрысөөндэ зуһалангуудай аралжаанай бэшэ нүхэсэлнүүдэй, нютагай өөһэдын хүтэлбэриин захиргаануудай түлөөлэгшэд болон һургуулиин һурагшад хабаадаа. Бүхыдөө найман команда суглараа. 

26-дахи тойрог газар дэбисхэрэй талаар эгээл томо тойрогуудай нэгэн юм. Тэрээндэ Радужный, Шэнэ Комушка, Горький тосхонууд болон 101, 102, 120-дохи бага хороонууд ороно. Энө мүрысөөн хадаа  ажаһуугшадые  хоорондонь танилсуулха,  нэгэдүүлхэ зорилготойгоор үнгэргэгдөө.