Июниин 7-до Буряадай гүрэнэй оперо болон баледэй театрай тайзан дээрэ Лариса Сахьяновагай ба Петр Абашеевэй нэрэмжэтэ Буряадай хореографическа колледж дүүргэгшэдэй тоглолто үнгэрбэ. Энэ хэмжээ ябуулга СССР-эй арадай зүжэгшэн Пётр Тимофеевич Абашеевэй түрэһөөр, 90 жэлэй ойдо зорюулагдаба.
Энэ үдэшэдэ колледжын оюутад олон жэлэй туршада оролдосотойгоор һураһан бэлиг шадабаряараа бултантай хубаалдаба. Түгэсхэлэй тоглолтын дүүрэһэнэй удаа июниин 9-10-ай үдэрнүүдтэ хатарай колледж 2025-2026 оной һуралсалай шэнэ жэлдэ оюутадые шэлэн абалгын шатаяа эхилэн ябуулха. Иишэ 9-һөө 11 наһа хүрэтэр, хүгжэмдэ дуратай, хатарха шадабаритай үхибүүд уригдана.
Лариса Петровна Сахьяновагай ба Петр Тимофеевич Абашеевэй нэрэмжэтэ хатарай колледжын, Буряад Уласай Соёлой яаманай, албан газарай толгойлогшо Соелма Дагаевагай дэмжэлгээр тус тоглолто бэелүүлэгдэбэ. Соёлой яаман элдэб янзын зохёохы, тэрэ тоодо федеральна программануудта хабаатай түсэлнүүдые эдэбхитэйгээр дэмжэжэ, амжалтатай бэелүүлнэ.
